Isa 12 | AmhNASV | STEP | በዚያን ቀን እንዲህ ትላለህ፤ “ እግዚአብሔር ሆይ፤ ቀድሞ ተቈጥተኸኝ ነበር፤ አሁን ግን ከቍጣህ ተመለስህ፤ ደግሞም አጽናንተኸኛልና አወድስሃለሁ።

Isaiah 12

የውዳሴ መዝሙር

1 በዚያን ቀን እንዲህ ትላለህ፤

“እግዚአብሔር ሆይ፤
ቀድሞ ተቈጥተኸኝ ነበር፤
አሁን ግን ከቍጣህ ተመለስህ፤
ደግሞም አጽናንተኸኛልና አወድስሃለሁ።
2 እነሆ፣ እግዚአብሔር ድነቴ ነው፤
እታመናለሁ፣ ደግሞም አልፈራም፤
^{▼▼ እግዚአብሔር በሚለው ስም ፈንታ ተተክቶ የገባ ነው።} ጌታ እግዚአብሔር ብርታቴና ዝማሬዬ ነው፤
ድነቴም ሆኗል።”
3 ከድነቴ ምንጮች
ውሃ በደስታ ትቀዳላችሁ።
4 በዚያን ቀን እንዲህ ትላላችሁ፤

“እግዚአብሔርን አመስግኑ፤ ስሙንም ጥሩ፤
ያደረገውንም በአሕዛብ መካከል አስታውቁ፤
ስሙ ከፍ ከፍ ማለቱንም ዐውጁ።
5 ለእግዚአብሔር ዘምሩ፤ ታላቅ ሥራ ሠርቷልና፤
ይህም ለዓለም ሁሉ ይታወቅ።
6 የጽዮን ሕዝብ ሆይ፤ እልል በሉ፤
በደስታም ዘምሩ፤
በመካከላችሁ ያለው የእስራኤል ቅዱስ ታላቅ ነውና።”